Dutton Corpus

MP4a Contents

Related witnesses for MP4a-220

[ID3843]MP4a-220(232v-233r)(338, 218)

[villançico] j dell enzina

Serviros i bien amaros
es gloria tan ſingular
que no ay mas que deſear
gentileza i perfiçion
5diſcreçion ſeſo i cordura
eſtan en vuestra hermoſura
mas que con todas quantas ſon
Aſi que con gran Razon
os deven ſervir y amar
10que no ay mas que deſear
y ſi miraros condena
y qualquier libre cativa
no ſe que mas bien Reçiba
que gozar de tal cadena
15es deſcanſo qualquier pena
ſufrida por os amar
que no ay mas que deſear
no ſer ſuyo quien os vido
es gran ventura y fauor
20la gloria del vençedor
engrandeſçe el ques vençido
es vn bien tanto creçido
ſerviros i bien amar
que no ay mas que deſear
25eſta priſion que me diſtes
eſta tengo por vitoria
no Reçibo mayor gloria
quen ſaber que me venciſtes
pues que tan linda naciſtes
30que ſe puede deſear
ſyno ſeruiros y amar