Dutton Corpus

PN1 Contents

Related witnesses for PN1-123

[ID1263]PN1-123(42r)(3x8, 4)

Eſte dezir#en#manera#de#requesta fizo & ordeno alfonſo ſanchez de iahen canonigo de la eglesia mayor de toledo commo en manera de Requeſta rretornando por el cardenal apuntando de los çient mill florines que el le mando tomar el Rey don enrryque en cabrejas el qual dezir non parezçe ſer bien fecho nin por arte guardada ſegunt Que Convyene

Pena le pone la ſetena partida
al que es diſfamoſo conponedor
quanto mas al que es trobador
de deſonores que es coſa ſabida
5que ſy la parte fueſſe oyda
& le tornaſſe lo de cabrejas
todos aquellos que comen arvejas
ſeryan plazenteros de ſu venida
Sy bien penſanredes en eſtos partidos
10en quanto atañe a la clara luz
non tomaredes en la vera cruz
con conſonantes de mal eſcogidos
eſto fazedes por non ſer oydos
por nobles derechos en eſta ſſazon
15todo ſe ordena muy contra rrazon
porque vos daua los preparatiuos
Eſta enbidia es por la priuança
que non vos plaze que aya perlado
mas quanto de mi vos es otorgado
20que ſu daño faze aquel que la alcança
que preça vos viſtes andar en balança
de grandes ſeñores venir a proueza
por ende tenet que faze proeza
el que ſe quita deſta tribulança
25fynida
Por ende ſeñores con grant acordança
nos ayuntemos a ver eſte fecho
pues es todo ello punto de derecho
a quien ſera dada la tal buen andança