Dutton Corpus

PN1 Contents

Related witnesses for PN1-125

[ID1265 R 1264]PN1-125(42v)(3x8, 4)

Eſta rreplicaçion fizo & ordeno el dichoalfonſo ſanchez de jahen contra eldicho alfonſo aluarez de villa ſandino &contra ſu Reſpueſta que le dioel qual dezir pueſto que van guardadoslos conſonantes primeros perocon todo eſſo non es tan ſufiçiente queſatiſfaga a lo Razonado por el dichoalfonſo aluarez

Pues que tenedes el alma perdida
& non temedes al Redemidor
avredes por nonbre el blafemador
del ynoçente que es coſa eſcogida
5la ſu tornada ya eſ abenida
& non vos valdra forar de pellegas
& a vos ſeran peladas las çejas
& aſmo que perderedes aqui vuestra vida
A uos llamaran de los atreuidos
10del noble linage de andaluz
commoquier que le faziedes el buz
vos & otros muchos deſconoſçidos
avedes perdido los çinco ſentidos
poco aprendiſtes de lo de platon
15 por ende averedes aquel galardon
que deuen aver los deſagradeſçidos
A mi pareſçe que la ſegurança
que al priuado averedes otorgado
tengo que ſea de vos engañado
20& non lo fazedes con buen amiſtança
ca ſyenpre oviſtes del gouernança
los que lo alcançan ſobir en alteza
& pues que lo viſtes caer en baxeza
& partiçipar con grant omildança
25fynida
Para lo dicho yo tengo prouança
non averedes de aqui otro pecho
mejor vos fuera echar en cohecho
pues en ſu venida non hay tardança