Dutton Corpus

PN1 Contents

Related witnesses for PN1-136

[ID1276]PN1-136(43v)(2x8)

Pregunta muy ſotil & eſcura quefizo fray pedro de colunga frayre deſant pablo al dicho alfonso aluares de villaſandino

Poeta eçelente profundo poetico
& clarificador de toda eſcureza
ſſeñor yo vos rruego por vuestra nobleza
que me declaredes vn verſo rremico
5dulçe meliflo & lindo rrectoriCo
vna grant viſſyon que fue demoſtrada
a vna grant dueña ſeyendo preñada
& lo rredugades (↑en) metro LyriCo
Ley yo por çierto en eſtoria aprouada
10que eſtando aſſentada en ſu eſtrado ençinta
vna grant viſſion eſcura indiſtinta
con muy grant ſecreto le fue rreuelada
que avie de parir daqueſta vegada
vn perro chiquillo quen ſu boca ardia
15vna candela quel mundo ençendia
aſſy commo facha de fuego inflamada