Dutton Corpus

PN1 Contents

Related witnesses for PN1-16

[ID0544]PN1-16(10v)(4x8)

Eſta cantiga fizo el dicho alfonsoaluarez de villa ſſandino a la dichadoña juana de ſſoſa & dizen quele dixo el Rey don enrryque el viejoque pues le avya dicho a ellaen eſta cantyga acabada fermoſuraque ya non fallarya mas loores que deçir della

A\s7Cabada ffermoſura
eſmerado ſſeñorio
gentyleza & alto brio
me foy demoſtrar ventura
5doña de noble figura
eſtremada en ſeu fallar
eſta quis deus eſtremar
& conplir de grant cordura
Paños de grant oneſtade
10aqueſta ſeñor veſtya
orlados En corteſſya
afforrados en bondade
broſladuras de beldade
non avyen otra labor
15ſy non canto deus & amor
obraron con lealtade
En la çibdat Poderoſſa
onde ſeneca ffuy nado
en vn jardin muyto onrrado
20vy primo a eſta rroſſa
tan oneſta E tan graçioſa
que vos non poſo dizer
de ſeu lindo Pareſçer
ſu viſta noble amoroſſa
25Deus que ben aventurado
ſeria quen ſempre oveſſe
tal ſeñor que obedeçeſſe
ſſendo egual en ſu eſtado
mas non ſo eu mal pecado
30pero guardando ſſeu ben
dona que tal perder ten
loare ſſempre de grado