Dutton Corpus

PN1 Contents

Related witnesses for PN1-2

[ID1148 D 1147]PN1-2(4v)(2, 8x4)
(4v)

Deſfecha#de#cantiga de ſanta maria

Virgen digna De alabança
En ty es mi eſperança
Santa o clemens o Pya
o dulçis vyrgo marya
5tu me guarda noche & dya
de mal E de trybulança
Aue dey mater Alma
“llena byen commo la palma” [ID8982 Refrán]
“llena byen commo la palma” [ID8982 Refrán]
10torna mi fortuna en calma
manſa con mucha bonança
Jnuyolata Permanſiſte
quando agnus dey paryſte
faz me que non byua tryſte
15mas ledo ſyn toda errança
Tu fueſte & ſeras & eres
Bendita entre las mugeres
tus gozos fueron plazeres
enel mundo ſyn dudança
20Roſa en geryco Plantada
de angeles Glorificada
tu ſeas mi AbogaDa
pues en ty tengo fyança
Talamo de dyos & templo
25quando tu vyda contenplo
por leyes nin por enxenplo
non fallo tu egualança
Graçioſa vyta Dulçedo
por quien ſe conpuſſo el credo
30torna me de tryſte Ledo
con tus dones de amiſtança
Contraryo De eua aue
delos çielos puerta & llaue
rruega al tu fijo Suaue
35que me oya mi rrogança