Dutton Corpus

PN1 Contents

Related witnesses for PN1-235

[ID1370 R 0539]PN1-235(76r-76v)(8x8)

Eſte dezir#en#respuesta fizo el dicho diego martinezde medina en Reſpueſta deſte otrodezir de miçer françiſco & diçiendo & allegandocontra el en commo el teniaotras mejores & mas lindas armasque le avia dado el amor con las qualeslo entendia deſbaratar & vençer

Pues la gloria mundana
vos fuerça & amoneſta
que por eſtrella diana
tomedes tan grant rrequeſta
5la batalla vos es preſta
ſiquiera a todo trançe
por que vengança alcançe
venus de quien la denueſta
Vuestra Requeſta Reſçibo
10con fiadura & gaje
& luego vos aperçibo
que venus & ſu linage
me graneſcan vn plumaje
de flores de gentileza
15con el qual fare Proeza
ſegunt fize omenaje
Non vos he por tan fuerte
que non ayades Pauor
de padeſçer cruelmente
20viendo tan grant rreſplandor
commo venus & amor
ponen en mi ſobre viſtas
por que de vos ſus bienquiſtas
non rreſçiban deſonor
25Lança verde muy aguda
de ſus bienes titulada
me dan con la qual ſyn dubda
vuestra cota tan loada
ſera toda deſmallada
30& creed don deſcortes
que todo el vuestro aues
vos valdra poco o nada
Mi eſcudo ſea todo
de lindeza azerada
35quanto hay de oro colado
es del vuestro aventajado
fuertemente enbraçado
con beldat & garrideza
de la que por ſu nobleza
40mereſçe muy grant eſtado
De vuestra polida flecha
yo non he pauor nin curo
pues de otra mejo(!) fecha
venus me fizo ſeguro
45& me dixo yo te juro
que aqueſta poco aduxo
de lo lindo que debuxo
en las que yo mas apuro
Pues venus vos es contraria
50& de aqueſto non falleſçe
tan preſta & voluntaria
es en quanto en mi guarneſçe
non digades que floreſçe
en ſuperlatiuo grado
55& load la Meſurado
tanto quanto perteneſçe
De loor demaſyado
non cunple que la loedes
mas pedir por lo paſado
60mucho perdon mereſçedes
& ſy eſto non fazedes
& queredes porfiar
yo non vos cuydo dexar
faſta que vos rretraedes