Dutton Corpus

PN1 Contents

Related witnesses for PN1-239

[ID1374]PN1-239(77v-78r)(4x8)
(77v)

Eſte dezir#por#amor#&#loores fizo el dicho miçer françiſcoinperial por amor & loores de la dichayſabel gonçales mançeba del condedon johan alfonſo por quanto ellale avia enbiada rrogar que la fueſea ver al moneſterio de ſant clemeyntel Non Oſſaua yr Por Razonque era muy arreada & graçioſa muger

Enbiaſtes mandar que vos ver quiſieſſe
dueña loçana oneſta & garrida
por mi fe vos juro que lo yo fizieſſe
tan de talante commo amo la vida
5mas temo ſſeñora que la mi yda
ſſerie grant cadena para me ligar
& deſque vos vieſſe & oyeſſe fablar
deſpues non ſeria en mi la partida
Pero bien me plaze ſſy me enbiades
10firmado & ſellado el vuestro ſeguro
que en carçel de amor non me pongades
nin me apriſionedes en ſu alto muro
& que en el ſe contenta prometo & juro
a dios de amor de vos non ferir
15& ſy vos firiere de vos bien guarir
con obras de amor E coraçon puro
E con vos me dedes a venus deeſſa
por aſſeguradora & anbas juredes
que vuestro ſeguro & jura & promeſſa
20bien & lealmente que lo conpliredes
ſy eſto ſeñora fazer non podedes
la yda ſeria a mi Pelygroſſa
& non ſe penſſar En el mundo coſſa
que me aſegure yr ver que queredes
25E fago razon pedir Segurança
del vuestro amoroſſo dezir & ſenblante
porque el ſenblante me dizen que es lança
& el vuestro dezir polido diamante
por eſſo ſſeñora ſſy vos pido ante
30antanto ſeguro para vos yr ver
deuedes lo dar E ſſy non puede ſer
en ſeñal del me dat vuestro guante

Espacio en blanco al final de la columna 77vb.