Dutton Corpus

PN1 Contents

Related witnesses for PN1-241

[ID1376]PN1-241(78r)(5x8...)
Abela çibdat de grant fermoſura
la qual poblo ercoles & poblo yſpan
dentro en la yſla de ſancho afan
entre laureles de freſca verdura
5vy vna donzella de grant apoſtura
guarnida graçioſa de muy gentil ayre
ojos fermoſos con gracia & donayre t
oda guarnida de buena meſura
Los pechos aluos la garganta alçada
10la vide venir Eſcontra El Ryo
con buen continente & graçioſo brio
arco en la mano frecha maeſtraDa
& dixo eſcudero de aqueſta vegada
del barco en tierra non çendades
15E ſy non creo que vos Repintades
eſto me dixo en boz Delicada
Quando yo eſto le oy Dezir
ſſalte en tierra muy marauillado
& ella tendio el arco maeſtraDo
20por ſobre los pechos me fue ferir
& dixo eſcudero conviene vos morir
pues que por otra dexaſtes a my
E yo vos fare que deſde aqui
vos nunca ſeades para otra ſeruir
25La ferida era Cruel & mortal
con yerua cruel mal enponçoñada
dixo me luego la deſpiadada
vos aqui morredes commo deſleal
yo dixe ſeñora atanto grant mal
30non he fecho commo vos penſandes
& en eſto ſeñora muy poco ganades
& avedes fecho pecado mortal
Ella me dixo pues que es aſſi
que non me feziſtes tan grande yerro
35ſacad la flecha & ſacad el fierro
que con yeruas de amor ſabet que uos di
ſyenpre vos fuy leal enamorada
.XX (falta un verso)
xxxx
40& por que me dexaſtes tan menoſpreçiada
atan cruelmente ſeñor vos feri

Espacio en blanco al final de la columna b.