Dutton Corpus

PN1 Contents

Related witnesses for PN1-251

[ID1385]PN1-251(84v)(2x8)

cantiga#por#amor#e#loores

Aqui ſe comiençan las cantigas & dezires muy graçioſos E bien fechos que fizo & ordeno en ſu tienpo el honrrado & noble cauallero pero gonçales de mendoça padre del almirante don diego furtado E Primeramente ſe comiençan las cantiga#por#amor#e#loores quel fizo por Amor E Loores De vna gentil donçella que mucho amaua Por amor De la qual diz que mando fazer El moneſterio de ſanta clara de guadalfajara Do Se Metyo Monja.

(84v)
Ay ſeñora muy conplida
de bondat & de proeza
pues del mundo es partida
la vuestra muy grant nobleza
5loando la vuestra Alteza
la qual ſiruo muy de grado
morire Deſanparado.
con peſſar & con triſteza
Quando yo el lugar veo
10donde beuides Señora
con peſſar & con deſſeo
& con grant manzilla llora
el mi coraçon adora
la orden do vos morades
15pero me deſanparades
por vuestro morrey agora