Dutton Corpus

PN1 Contents

Related witnesses for PN1-260

[ID1394]PN1-260(87r)(4x10, 5)
(87r)

Pregunta de ferrant manuel contra juan alfonso

En coplas llenas de Azogue
gentil ſſeñor johan alfonſſo
fazedes alto ReſſponSo
& tañedes vueſtro albogue
5mas guardat que non ſſe afogue
(+la) vueſtra çiençia Profunda
que faze grant barafunda
Pero en eſta arte ffecunda
ſy mas fonda Non ſe funda
10çiara Por Bien que bogue
C%iara de banco En banCo
ſyguiendo ſyenpre el eſtremo
& con la fuerça del Remo
tornara Pryeto lo blanco
15pues mirad commo yo atranco
la Razon punto por Punto
con materya E forma junto
maguer pareſco Defunto
que quando non Canta el punto
20el ſſano Se ffalla ManCo
El ſano Que de ffortuna
non es bien ffauoryzado
Maguer sea muy Letrado
toda ſu obra es ninguna
25que ſſyn graçia ſſola vna
non ay Planeta que obre
nin arbol Pyno nin Robre
que foja nin fructo cobre
La plata Se torna Cobre
30creed lo ſſyn dubda alguna
Creed lo Trobador ffyno
ſſegunt La leccion es pueſta
E ſſy me Dades Reſpueſta
mucho buen dia vos vyno
35quel Leon del alto Sygno
E ſſu lyndo condeſtable
graçioſo Señor notable
con plazer muy amigable
querrar ver en luz pa(↑l)pable
40ſſy va bien guardado el tyno
fynida
Sy va bien auttor onrrable
la vuestra lengua me fable
ca en eſte golffo eſpantable
45muchas vezes fuella el ſable
quien non es abto nin dygno