Dutton Corpus

PN1 Contents

Related witnesses for PN1-277

[ID0456]PN1-277(91r)(4x8)
(91r)

Eſte dezir fizo & ordeno el dichoferrant manuel de lando quandoecharon de la corte del rrey a ynesde Torres su Pryma

Pues que fortuna ſu rrayos inflama
& buelue la rrueda del mundo mudable
non es prouechoſo nin es saludable
ſobir en triunpho que ſyenpre reclame
5mas al que la gracia diuina lo llama
biua en el medio lugar de prudençia
ca ſegunt que veemos por eſperyençia
“de mas alto cae quien mas ſe encarama[ID8424 Refrán]
“de mas alto cae quien mas ſe encarama[ID8424 Refrán]
10Algunos que ſuben Corryendo fortuna
a grandes altezas en termino breue
de aqueſtos atales non veo de lyeue
quien biua ſu tienpo en firme tribuna
antes por çierto ſyn dubda ninguna
15tan beloçemente se dexan Caer
que non es baſtante de los ſoſtener
eſtelo nin poſte pilar nin coluna
Que ſegunt quel mundo a de coſtunbre
el omne non puede grant tienpo durar
20en trono ſuperno nin alto lugar
nin de rryqueza en grant muchedubre
ca es coſtellado en la ſeruidunbre
de magn(!) fortuna & ſus mandamientos
que quando ella quiere fazer mouimientos
25en medio del dia falleſçe ſu lunbre
Pues conſiderando las grandes mudanças
que ſienpre en el mundo ſon & ſeran
ninguno non aya peſſar nin afaN
por ſer apartado de altas priuanças
30que todas las onrras & buenas andanças
quieren en ſy el medio E Razon
& los que traſpaſan ſegunt mi opiñon
es pueſta ſu vida en fuertes balanças