Dutton Corpus

PN1 Contents

Related witnesses for PN1-307

 
[ID0447]PN1-307(108v)(4, 4x10)

Cantyga de maçias para ſu amiga

Señora En que fyança
he por çierto ſyn dubdança
tu non ayas por vengança
mi triſtura
5E en ty adoro Agora
& toda vya
de todo lealmente
mienbrate de mi ſeñora
por corteſya
10& ſienpre te venga e miente
& non dexes tu ſeruiente
perder por olbidança
& tu faras buen eſtança
& meſura
15Non por mi mereçimiento
que a ty lo manda
mas por tu merçed conplida
duele te del perdymiento
en que anda
20en aventura mi vyda
faz que non ſea perdida
en ty mi eſperança
pues que toda mi nenbrança
es tu fygura
25Non ſe lugar tan forte
que me defenda
dela tu muy grant beldad
en ty traygo yo la morte
ſyn contenta
30ſy me non vala tu vondat
& por que eſto es verdat
ay amor en rremenbrança
en meu cor tengo tu lança
de amargura
35Aqueſta lança ſyn falla
ay coytado
non me la dieron del muro
nin la pryſe yo en vatalla
mal pecado
40mas veniendo a ty ſeguro
amor falſo & perjuro
me firio & ſyn tardança
& fue tal la mi andança
ſyn ventura