Dutton Corpus

PN1 Contents

Related witnesses for PN1-329

[ID1455]PN1-329(117r-117v)(5x8)

Eſte dezir#por#quistion#&#pregunta fizo & ordeno el dichodiego martines de medina por quiſtion& pregunta que fizo a yſabel gonçalesla mançeba del conde deniebla don juan alfonso

n [\ ]on convale diligençia
a la que de vos proçede
toda lengua rretroçede
& declina ſu çiençia
5ante la vuestra preſençia
muy eçelente poeta
ſyngular muy diſcrepta
& de grant magnifiçiençia
Nunca tales poetrias
10diçiones por ſylogiſmo
notifico el graçiſmo
catholicon nin papias
las vuestras fyloſofias
rretoricadas & nueuas
15vos eligen & dan prueuas
por gentil en vuestrros dias
Toda torpor & laydeza
rrelaxades por eſtillo
muy ſoliçito & villo
20determinar con firmeza
profunda naturaleza
vos dio de ſy demonſtranças
por que vuestras concordanças
non ouieſen ygualeza
25Quien podria diſponer
vuestros dezires preſpicuos
elimados & melifluos
nin a ellos Reſponder
creo que sobreſeer
30quiſo venus en tal caſo
de non prouer anaſſo
de tan agudo ſaber
Por ende yo contenplando
en vuestra grant perfeçion
35vos propongo tal quiſtion
& omilmente demando
ſy algund omne amando
ſyn ninguna eſperança
biue en mayor folgança
40que del todo lo dexando