Dutton Corpus

PN1 Contents

Related witnesses for PN1-338

[ID1464]PN1-338(122r-122v)(6x8)

Eſte dezir fizo & ordeno el dichogonçalo martinez de medina quando murierondiego lopez & inigo de velaſco

Oyd la mi boz todos los potentes
a quien aminiſtra ſus caſſos fortuna
ved los juyzios atan exçelentes
mas ſoberanos quel ſol & la luna
5mirad lo que fizo la alta coluna
delos que rreynauan el tiempo paſado
catad lo ſoberuia & tan alto eſtado
ſer conuertido En coſa ninguna
Penſad que traxieron las juras paſadas
10que ya quebrantaron por mala codiçia
las quales a dios non fueron negadas
ſegund lo moſtro ſu alta juſtiçia
ved que pro tiene vſar de maliçia
& dela verdad fazen mudamiento
15.XX (una línea en blanco)
xxxx
& en el otro mundo peſar & triſtiçia
Judgar en las muertes atan preſuradas
que aſy en prouiſo vuestros ojos vieron
20catad las ſouerbias atan enſalçadas
quel vniuerſo conquerir quiſyeron
& cuan de ligero por ſy ſe cayeron
.XX (una línea en blanco)
xxxx
25quedo caydo Syn otra memoria
por juſto juyzio que todos ſyntieron
Que pro les touo la grand tirania
nin los teſoros tan mal allegados
mentiras & artes & engaños falſias
30& los otros abtos tan deſornados
caſtyllos & villas baxillas eſtados
pues todo paſo aſy commo viento
& queda la muerte & el perdimiento
para las almas daqueſtos cuytados
35Catad que ante dios non ay poderoſo
que todo ſe judga por alta potençia
aved eſte enxenplo por marabilloſo
que es demoſtrado en vuestra preſençia
abrid bien las puertas de vuestra conçiençia
40loando adios por todo lo fecho
amad la juſtiçia verdad & derecho
por que non ayades ſenbrante ſentençia
Deſde luçifer faſta el papa juan
podedes leer Eſtrañas caydas
45ſegund las eſtorias vos lo contaran
& por juan vocaçio vos ſon rrepetidas
por ende emendad en las vuestras vidas
& por lo que aca aveys a dexar
vos non querades por ſienpre quedar
50en las infernales penas infinidas