Dutton Corpus

PN1 Contents

Related witnesses for PN1-407

[ID1534 R 1533]PN1-407(142v)(2x8, 4)

Replicaçion de juan alfonſo de baena

SEñor venerable yo non ſo çobayo
nin moro nin eche tanpoco farfan
nin creo en mahomat nin creo al çatan
que tiene por arco la puente ſan payo
5por ende non creo mas antes lo rrayo
vuestros conſonantes que non van por via
pues van todos ellos por algarauia
que tal non ſe dixo En todo langayo
Señor el caſtygo Con palo dezina
10non me pareſçe que es Realeza
ſegut eſcreuiſtes pues tiene firmeza
las mis concordanças ſacadas por mina
por ende prometo a los de medina
enantes que venga ſant juan de floreſta
15que vos conoſcades que es manifyeſta
mi alta opiñon & mas paladina
fynida.
Ca digo & porfio que he por eſpoſa
la juſta Razon cortes amoroſſa
20& non me faredes dezir otra coſſa
maguer me fagades echar en çençiana(!)