Dutton Corpus

PN1 Contents

Related witnesses for PN1-449

[ID1577]PN1-449(150r)(2x8, 4)

Pregunta de juan alfonso de baena

[g]onçalo ſſeñor eſtando en ſſeuilla
deſpues en la mar deſpues en valençia
deſpues en girona deſpues en florençia
deſpues e nauarra deſpues en ſeuilla
5muchas de vezes vos ove rrogado
aſſy como aquel a quien ſſo obligado
que fueſſe por vos del todo aviſſado
los vuestros amores ſy ſon en caſtilla
E yo confyando en vuestra amiſtança
10penſſe que avria de vos la Reſpueſta
cortes & graçioſa ſſotyl & modeſta
tal que partieſſe mi tribulança
mas vos ſeñor mio eſtonçe nin agora
nunca nonbraſtes la vuestra Señora
15ſy era criſtiana judia nin mora
haxa o jamila ynes & conſtança
fynida.
Por ende vos rruego gentyl con onores
que vos me digades en vuestros diſcores
20en que punto ſſon los vuestros amores
con vuestra ſſeñora ſyn mas alongança