Dutton Corpus

PN1 Contents

Related witnesses for PN1-451

[ID1579 R 1578]PN1-451(150r)(2x8, 4)

Replicaçion de juan alfonſo de baena

Lyndo fidalgo Reſpueſta ſenzilla
me diſtes a toda mi alta çiençia
por ende vos pido con grant rreuerençia
que uos me digades ſyn otra rrençilla
5la vuestra ſeñora de geſto apurado
ſy biue en çibdat de muro çercado
o mora de fuera daqueſte rreynado
en françia alimaña o en eſta grant villa
Otroſy vos pido con grant afincança
10que la ſoluçion me dedes muy preſta
ſy es ençerrada o biue en floreſta
ca mucho deſſeo ſaber ſu cryança
por quanto es fama que biue en çamora
& otros me dizen que cree en atora
15& otros allegan que allende de lora
ſu triſte ſoſpiro vos da tribulança
fynida
Sy eſto dezides ſyn otros pauores
ſeñor yo vos mando guirlanda de flores
20el dia graçioſo que los juſtadores
daran mejoria a vuestra grant lança