Dutton Corpus

PN1 Contents

Related witnesses for PN1-471

 
[ID0161]PN1-471(156r-156v)(3x10)

Eſtas coplas fizo juan de menaquando el ſſeñor Rey ovo triunphoE vytoria delos que contra el ſſepuſſyeron En la batalla de olmedo.Año de quarenta & çinco

REy virtud Rey vençedor
prinçipe nunca vençido
ſolo vos a quien ſſeñor
victoria dando Rygor
5 clemençia ffyzo ſofrydo
çeſſarea C%elſſytudo
ſuper aguſta Colupna
de vos dios mucha ſalut
pues nos da vuestra virtut
10tregua contra la fortuna
Dios vos dexe bien beuir
dios vos de tyenpo quieto
ya los vuestros conſſeguir
vn amor para ſſeuir
15avos Rey plusquam perfeto
el que por otra manera
obrare commo aduerſario
el ſſe mate y non ſſe muera
bien commo judas qualquiera
20que penſſare lo contrario
Todo el mundo Los perſygua
alos que uos perſſyguieredeſ
non les falleſca ffadiga
nin tierra ffalle amiga
25ſy vos rrey non gela dieredeſ
quien vuestro temor holuida
o Seruir non vos deſſea
vuestrra bondat Infynida
tantas vezes les de vyda
30quel beuir muerte les ſſea