Dutton Corpus

PN1 Contents

Related witnesses for PN1-480

[ID1605]PN1-480(158r)(8, 3)

Eſte dezir#a#manera#de#dubda#&#pregunta fizo & ordeno commo a manera de dubda & depregunta nicolas de valençia criado dejuan aluarez oſorio al dicho maeſtro & laqual pregunta es aſſaz bien fecha& de ſotil invençion pero al fyn nonſopo defender ſu razon de lo quepreguntaua al dicho maeſtro.

MAeſtro ſeñor por vuestra meſura
vna pregunta vos quiero fazer
& rruego vos ora que ayades plazer
que me digades ya de que fygura
5ſoſtiene el çielo en tan grant altura
en aquel logar en que lo dios puſo
que non ſube ençima nin cae ayuſſo
o ſſi eſſta ſyenpre de vna natura

fynida.

Ruego vos ſeñor que plazer ayades
10por vuestra merçed que me rreſpondades
& ſacar me hedes de mucha triſtura