Dutton Corpus

PN1 Contents

Related witnesses for PN1-504

[ID1630]PN1-504(163v-164r)(5x6)

Eſta cantiga#por#amor#&#loores fizo & ordeno eldicho maeſtro fray diego poramor & loores de vna dueña dequien El era enamorado

graçioſſa muy fermoſa
de muy linda fermoſura
amoroſa E donoſa
de angelica fygura
5muy pura criatura
deleytoſa
Noblezida & eſcogida
delas nobles de caſtilla
muy pollida & conplida
10de bondades ſſyn manzilla
eſtrella de norte muy bella
& mi vyda
Muy pagado & de grado
beuire ſyenpre por vuestro
15ſojudgado apriſionado
del vuestro donayre apueſto
ſſoy preſto para eſto
eſforçado
Ceſaria de folia
20ſy fueſſe vuestro ſyruiente
& faria Corteſſya
a vos noble Reuerente
exçelente de talente
ſeruiria
25gozaria Todavia
ſſy vos plaz de lo que digo
& tenia Que ffarya
dios merçed grande comigo
yo maldigo mal que ſygo
30cada dia