Dutton Corpus

PN1 Contents

Related witnesses for PN1-507

[ID1633]PN1-507(164v)(4x8)

Eſte dezir#por#amor#&#loores fizo & ordeno el dichofray diego de valençia por amor& loores de vna muy fermoſſa queera ſu enamorada en Leon.

POr vos biuo en toda parte
linda gentil en que creo
& non he Otro deſeo
ſaluo ſeruir vos ſyn arte
5quien me ora de vos parte
me pon en vuestra ſaña
muerte muera ſopitaña
en que dios non aya parte
Vuestro geſto amoroſo
10me mantouo & mantiene
maguer non he otro bien
ſynon mirar deleytoſo
el dezir falſo çeloso
que de uos me faz partir
15C%edo Lo vea morir
pues vos yo fablar non oſo
A uos guarde dios ſeñora
& vos de Conſolaçion
que vea mi Coraçon
20La ymagen que adora
ſy vos partides agora
dela mi Clara vyſyon
vos ſeredes Ocaſyon
de mi muerte pecadora
25Pues ſſeñora non tiredes
el lunbre deſtos mis ojos
con triſtura & con enojos
por merçed non me matedes
ca ſy eſto vos fazes
30ganaredes grant pecado
enpero por lo paſado
muchas gracias & merçedes