Dutton Corpus

PN1 Contents

Related witnesses for PN1-512

[ID1638]PN1-512(166r)(4x8, 3)

Eſte dezir fizo & ordeno el dichomaeſtro fray diego de valençiaſoplicando por el a juan aluarezoſorio que le fizieſe alguna ayuda

Johan aluarez ſeñor el mi meneſter grande
me faze que pida a tal commo vos
merçet & limoſna por amor de dios
& vos commo noble mandat que non ande
5en eſta demanda nin dios non lo mande
ca don aluar perez que dios de ſu gloria
me dexo dotrina de ſanta memoria
que al que pidio que le de mande
Vos rrico naſçiſtes con muy grandeſ algoſ
10non pobre pediente ca ſer non podria
pero a las vezes meneſter vos faria
quanto vos rrynden los infantadgoſ
pues han los alanoſ podencoſ & galgoſ
pequeños & grandes de vos mantenençia
15non es ſyn rrazon que yo el de valençia
vos pida merçed con otros fidalgoſ
Mienbre vos ſeñor la grant rrealeza
de don alvar perez que fue vuestro padre
pues doña conſtança que fue vuestra madre
20non fue muy eſcaſa mas pura franqueza
de mas que en oſorio non fue eſcaſeza
depues de juan aluarez vuestro viſauuelo
las doblas ſon pocas maſ comer ſyn duelo
las puertas abiertas a toda nobleza
25Por ende ſeñor atreuer me non oſſo
pedir vos merçet pues es buena obra
& non vos demando eſcudo nin dobla
ſynon mantenençia de vn vergoñoſo
ca vos bien ſabedes que ſo rreligioſo
30que puedo rrogar a dios todavia
que ſienpre vos guarde de noche & de dia
& don aluar perez que aya buen poſo
fynida
Señor por merçed vos dat me rreſponſo
35deſta demanda en ferrand alfonſo
maguer que non çeſſa de ſer pereſçoſo