Dutton Corpus

PN1 Contents

Related witnesses for PN1-513

[ID1639]PN1-513(166r-166v)(4x8)

Eſte dezir#a#manera#de#baldones fizo el dicho fray diegocommo a manera de baldones quele daua vna dueña que era ſu enamorada & non lo preçiaua

Sofrir grant mal eſquiuo atal
ay amigo non curedes
nin ſer leal poco vos val
el afan es que andades
5baſteçedes E tenedes
grant locura deſygual
vos veredes que perdedes
vuestro ſſeſo natural
Enfengides & dezides
10que ſodes ennamorado
añadides que beuides
por mi triſte deſmayado
vuestro fado fue menguado
ſy en aqueſto comedides
15engañado mal pecado
ſeredes ſy aſſy morides
Grant locura ſyn meſura
es aqueſta que penſades
aver cura de quien cura
20poco de lo que cuydades
afanades trabajades
corta es vuestra ventura
porfiades vanidades
bien menguadas de cordura
25Entençio muy ſyn rrazon
baſteçedes todavya
fyniçion es perdiçion
de vueſtra loca porfya
bien ſeria & conpleria
30ſoſeguar El coraçon
grant follia E fallya
fazedes ſyn condiçion