Dutton Corpus

PN1 Contents

Related witnesses for PN1-536

[ID1662]PN1-536(181r-181v)(4x8)

Eſte dezir fizo & ordeno el dychofernand ſanchez calabera eſtandoen ſegouia en la corte de Rey donenRique librando ſu fazienda porquanto aguardaua cada dia a rruydias de mendoça fijo de juan furtadoel viejo & non auia del otrarraçion ſa[l]uo que quando lo veya venira el deziale bien ſe(#a:y)s venido

Onde onrra nin prouecho
non rreſçibe omne jamas
apartarſe eſ derecho
ſy podiere oy non cras
5que de anda & comeras
non me puedo mantener
& mandar dar a beuer
ſin comer es por demas
==
10 Solo dios por ſeñorio
deue omne ſeruir & amar
& otros por amorio
aquel ſuelen ayunar
que por ſer de grand ſolar
15cunple aſaz dios vos man(↑ten)ga
el ſe vaya & yo uenga
ver ſy tengo de yantar
Non digo en fieſta honrrada
o en algund tienpo deuido
20que ſea de mi Seruido
o yr faſta ſu poſada
ſi me diere la çeuada
pan & uino & de ſu paño
ſeruir lo he todo el año
25que es rrazon muy aguiſada
ca eſta es mi condiçion
ſeruir a quien bien me faze
que de mucho bien me plaze
nunca fize grand manton
30& ſy alguien por tal rrazon
de mi non fue plazentero
mande a ſu deſpenſero
que me quite la rraçion