Dutton Corpus

PN1 Contents

Related witnesses for PN1-81

[ID1223 R 1222]PN1-81(29v)(4x8, 4)

A eſta pregunta & rrequeſta rreſpondiojuan alfonso de baena eſcriuano delrrey por la meſma arte de maeſtria& por ſus conſonantes limados Emuy EſcandiDos

SEgund que fyngydes ſo vuestro encomienda
eſtan las çiençias de todos metales
mas teſtos & gloſas de mis decretales
ſegunt me pareſçe leyſtes corryenda
5por ende maeſtro ſabet que rreſpenda
de vuestra ordenança el muy grant rremon
rrycardo & panfylo eſcoto & agrymon
los quales mandaron que vos rreprehendan
Ca pueſto por caſſo que puge & traçenda
10la vuestra çiençia de fynos cryſtales
& callen los ſynples rremotos brucales
que non fueron dinos aver tal prebenda
a vuestra perſona Sotyl Reuerenda
fermoſo le fuera loar con Razon
15los altos poetas que luenga ſſazon
trobaron por artes de alta Calenda
E porque non ſyento quien non condeçenda
a vuestras dotrinas por ſer tan morales
las flores de adelfa con lyndos rroſales
20que non ſe conforman en dar ſu ofrenda
por ende ſyguiendo ſeñor vuestra ſenda
& non lo tomando de vos el baldon
yo çerca de aqueſto ſo vuestro pendon
ſere todo ſyenpre tomad eſta prenda
25Pero ſy vos plaze que deſto dependa
que tangan las tronpas & los atabales
& yo ſuba quintas en bozes tunbales
“de vuestra madexa quebrada es la cuenda” [ID7933 Refrán]
“de vuestra madexa quebrada es la cuenda” [ID7933 Refrán]
30ca yo non me rryndo commo omne que arryenda
pero ſy vos punço En el Coraçon
fare que vos tome tan grant toroçon
que deſta lynda arte vos pryue & ſuſpenda
fynida
35Paſteles de pollos con poluos de hienda
& feſtes de noya con buen ſalpycon
vos tengo guiſſados en vn rreplicon
ſobre que beuades ſeñor en merienda