Dutton Corpus

PN10 Contents

Related witnesses for PN10-19

 
[ID0167]PN10-19(4x10, 5)

¶Pedro del caſtillo a vna mula ſſuya

¶Pareſçeos buena razon
doña mula endiablada
por teneros yo guardada
de palo ni ſofrenada
5quereys vos mi perdiçion
vn viernes por yr a miſa
vos mande preſto enſyllar
vos queriendo Retoçar
acordaſtes de os ſoltar
10Y fuyr amuy grant priſa
¶Pues dios ſabe quanto mal
faſta tomaros paſe
quanto mas quando os mire
y tan linpia vos falle
15de vueſtro freno y petral
vos me diſtes ocaſion
por comigo aſi averos
O por fermoſa fazeros
que gaſtaſe mis dineros
20en conpraros guarniçion
¶Vos ouiſtes grant plazer
Y cobraſtes fermoſura
a mi diſtes tal triſtura
ſyn freno nin ferradura
25que mayor non pudo ſer
aveys me fecho tal guerra
qual aqui Recontare
que vos juro por mi fe
en la perdida gaſte
30çiento & veynte de mi tierra
¶Mas nunca vea paſada
eſta ſemana en que eſto
nin me ayaes por quien ſo
Si non vos lo quito yo
35de la rraçion de çeuada
Y deſto non bien contento
por vueſtra deſlealtad
vos fare tal crueldat
Ruando por la çiudat
40Sin jamas daros aliento
Cabo
¶Vos andando en tales tratos
Otro gaſto aueys cauſado
que quando vos han fallado
45ha mi moço Raſgado
Cada vez vnos çapatos