Dutton Corpus

PN12 Contents

Related witnesses for PN12-16

 
[ID0023]PN12-16(15v-16r)(3x8, 4)

Suero de Ribera

Adios adios alegria
ora dezir me conuiene
mal aya ſeñora mia
quien aſi nos deſauiene
5por el dios que nos mantiene
nunca yo vos fize yerro
mas “quien mal quier a ſu perro [ID8022 Refrán]
mas “quien mal quier a ſu perro [ID8022 Refrán]
Rauia leuanta que quiera”
10 ¶Adios adios pues de mañana
me ponen tal malefiçio
quexarme de uos con ſaña
eſto non fago con viçio
ay de mi mal benefiçio
15me guardaſtes faſta agora
tan gran crueza de mora
nunca fue dende abeniçio
¶Adios adios tan en vano
es loar a quien ſolia
20e gran plazer ſoberano
por quien yo tanto valia
ſin cometer villania
dizen que dixe villeza
adios adios gentileza
25que tomar quiero otra via

Fin

Aunque dizen que “porfia [ID8890 Refrán]
Aunque dizen que “porfia [ID8890 Refrán]
vençe la naturaleza”
adios adios adios gentileza
30mal aya quien mas confia