Dutton Corpus

PN13 Contents

Related witnesses for PN13-15

[ID2112]PN13-15(170v-171r)(4x8, 4)

diego de ribera

¶En peligro esta mi vida
muy çerca de se perder
pues por yo mas vos querer
dezis que vos he perdida
5non deuiera ser ganada
nin deuiera ser querida
mi triste vida cuytada
pues tan presto es aborrida
¶aborrida y querellosa
10es por la grant synrrazon
tomastes mi coraçon
forçosamente forçosa
agora que lo teneys
del todo punto ganado
15dezides que non conosçeys
mi grant dolor y cuydado
¶El cuydado y el dolor
señora que vos me days
nunca lo dedes peor
20a enemigo que tengays
sy luego quereys que muera
dun morir syn ser doliente
mandat me vos que quiera
morir supitamente
25¶supitamente vos vy
de noche que non de dia
supitamente perdy
la libertad que tenia
del todo punto quesistes
30enteramente engañarme
falagandome prendistes
agora quereys matarme

fyn

¶sy en fyn de mis dias tristes
tan triste fyn quereys darme
35non se nin quiero quexarme
synon a vos que fezistes