Dutton Corpus

PN4 Contents

Related witnesses for PN4-54

 
[ID0059]PN4-54(103r-103v)(1x8, 1x6)

El ſexto ſoneto el auctor fabla e dize que Lagua faze ſenyal enla piedra e que haue viſto deſpues de gran guerra gran paç e quelbien ni mal duran mas que ſu trabaio nunca ceſſa e dize aſſimeſmo que ſi ſu Senyora le quiere que dezir que ella non leha culpa en el trabaio que paſſa que fara el a la ordenança dearriba conuiene a ſaber de los fados a los quales ninguno de losmortales non pueden fazer reſiſtencia

El(nl#)agua blanda en la piedra dura
Faze por curſo del tiempo ſenyal
E la Rueda rodante la ventura
Tranſmuda e trueca del genus humanal
5Pazes he viſto apres grand rotura
A tarde dura bien nin faze mal
Mas la mi pena yamas ha folgura
Nin punto ceſſa mi Langor mortal
Por ventura diras ydola mia
10Que a ti non plaze de mi perdimiento
Antes reprueuas mi loca porfia
De que faremos del ordenamiento
De amor que priua toda ſenyoria
E rige e manda nueſtro entendimiento