Dutton Corpus

PN5 Contents

Related witnesses for PN5-30

 
[ID0099]PN5-30(215r-216r)(4x8, 4)

Romançe del muy manifico Rey don ferrnando

¶En vn verde prado ſyn miedo ſegura
vna grant Reyna dormiendo yazia
& vn cauallero con triſte figura
La deſuelaua llorando & dezia
5gentes eſtrañas nos van Catiuando
y vos aſy eſtays en tienpo dudoſo
& calla tornado al dulçe Repoſo
diziendo biua el Rey don fernando
Biuo es el Rey non eſtes oçioſa
10fuyd bella dama que el daño ſe eſtiende
dexadme eſcudero que la glorioſa
vida del Rey a mi bien defiende
El buen Rey alfonſo mi paz ha ganado
el ſu claro fijo la Conſeruara
15aquel don fernando que ha heredado
Los bienes quel padre jamas dexara
¶Su nonbre de fierro es la fortaleza
Con la qual armado me ha mantouida
Por cuya virtud yo biuo en franqueza
20ganada con armas & avn defendida
aqueſte non ſolo dieſtro guerrero
que los enemigos convençe y atierra
maſ ſabio prudente & buen conſejero
Los viçios triſtes perſigue & deſtierra
25A quien las leys ſyn dubda obedeſçen
& a quien las guerras dan ſienpre lugar
ynclito fijo en el qual pareſçen
las claras virtudes del rey ſyngular
en altos trihunfos non deſconoçido
30en los ynfortunos jamas deſmayado
& avn de la mala fortuna temido
Terror a los otros y de ſuyos amado

fyn

Aqueſte me cauſa la dulçe folgança
y ſeguro Repoſo & tranquilo beuir
35Legitimo eſpoſo mi firme eſperança
aqui fago fyn tornando a dormir

El folio 216v en blanco.