Dutton Corpus

PN8 Contents

Related witnesses for PN8-21

 
[ID0023]PN8-21(27r-27v)(3x8, 4)

Suero de ribera

Adios adios alegria
Ora dezir me conuiene
Mala aya ſenyora mia
Quien aſſy nos deſauiene
5Por el dios que nos mantiene
Nunca yo vos fizo yerro
Mas “quien mal quiere ſu perro [ID8022 Refrán]
Mas “quien mal quiere ſu perro [ID8022 Refrán]
Rauia le pon que non tiene”
10¶Adios adios pues de manya
Me ponen tal maleficio
Quexarme de vos con ſanya
Eſto non fago con vicio
Ay de my mal benefficio
15Me guardaſtes faſta agora
Tan grand crueſa demora
Nunca fue dende ab inicio
¶Adios adios tan en uano
Es lohar a quien ſolia
20E grand plazer ſobirano
Por quien yo tanto valya
Syn cometer vilania
Dizen que dixe villeza
Adios adios gentileza
25Que tomar quiero otra via

Fin

¶Avnque dizen que porfia
Vence la naturaleza
Adios adios adios gentileza
Mal haya quien mas confia