Dutton Corpus

PN8 Contents

Related witnesses for PN8-30

 
[ID0033]PN8-30(56r-57r)(5x8, 4)

Dezir de hun apaſſionado

Sy por negra veſtidura
Es ſenyor que non vos vea
Qual fue nunca my librea
Si non de negra triſtura
5En paſcua ſolaç y fieſta
En el gozo de plazer
Siempre fue my Color eſta
Negro veſtir e traher
Por que my dicha fue negra
10E yo ſyn ventura mas
My fieſta viene detras
Nynguna paſcua me alegra
Donde plazer ſe que fazen
Syn plazer fuyo de ally
15 Pocos plazeres me plazen
Fuyendo plazer de my
Nynguno non ſabe tanto
De lo triſte Como yo
Pues triſteza me Cobrio
20Aquell ſu peſado manto
Deleyte me quiere ver
My triſtura non le dexa
Por pezar dexo plazer
E Contento tengo quexa
25Juſto es viſta my vida
De tanta Contrariedat
Conformar la volundat
Con la triſteza Complida
Tomando de negro Cargo
30E cargando de ſoffrir
Soffriendo tal vida amarga
Dolſura ſera morir
Sy la puerta fueſſe viſa
Que my triſta fas miraſſe
35Tengo que non me dexaſſe
Entrar en neguna guiſa
Mas entre gozoſa gente
Hun triſte bien paſſara
Que viue cuytadamente
40E de triſtura morira

Fyn

Del triſte que padeſciente
Es ſiempre fue y ſera
La triſte letra preſiente
Vueſtra merced tomara