Dutton Corpus

RC1 Contents

Related witnesses for RC1-128

[ID0167]RC1-128(134v-135r)(4x10,5)
(134v)

Pedro del caſtillo a una mula ſuya

Pareſceos buena razon
doña mula endiablada
por teneros yo guardada
de palo nin ſofrenada
5quereys uos mi perdicion
un uiernes por yr a miſſa
uos mande preſto enſillar
uos queriendo retoçar
acordaſtes de os Soltar
10& fuyr a muy grand priſa
Pues dios ſabe quanto mal
faſta tomaros paſſe
quanto mas quando os mire
y tan limpia uos falle
15de uueſtro freno y petral
uos me diſtes ocaſion
por comigo aſi aueros
o por fermoſa fazeros
que gaſtaſſe mis dineros
20en compraros guarnicion
Uos ouiſtes grand plazer
y cobraſtes fermoſura
a mi diſtes tal triſtura
Sin freno nin ferradura
25que mayor non pudo ſer
aueyſme fecho tal guerra
qual aqui recontare
que uos juro por mi fe
en la perdida gaſte
30ciento & ueyte(!) \|de mi tierra
Maſ nunca uea paſſada
eſta ſemana en que eſto
nin me ayaes por quien ſo
Si non uos lo quito yo
35de la racion de ceuada
y deſto non bien contento
por uueſtra deſlealtad
nos fare tal crueldat
Ruando por la ciudat
40Sin jamas daroſ aliento
Cabo
Uos andando en tales tractos
otro gaſto aueys cauſado
que quando uos han fallado
45ha mi moço Raſgado
cada uez unos çapatos