Dutton Corpus

RC1 Contents

Related witnesses for RC1-80

[ID0599]RC1-80(106v)(4, 2x8)

Obra de caruajales

Quien ſe podria alegrar
Si uos que teneys poder
non quereys jamas querer
la mi cuyta Remediar
5Eſperança tanto larga
me faze penſar engaño
quien padeſce uida amarga
Cada dia les un año
eſperando mejorar
10todauia uer peor
quanto mas preſto mejor
es la tal uida dexar
Fuerte mes la deſpedida
mas quedar es muy dañoſo
15quanto mas luenga partida
tanto mas ſo perdidoſo
uos dezid ſi reparar
uos plaze mi cruda quexa
que eſperança aun non me dexa
20de uos poder apartar