Dutton Corpus

RC1 Contents

Related witnesses for RC1-88

[ID0608]RC1-88(109v-110r)(4, 3x8)

Villancete

Saliendo de un oliuar
mas fermoſa que arreada
ui Serrana que tornar
me fizo de mi jornada
5Torneme en ſu compañia
por faldas de una montaña
Supplicando ſil plazia
de moſtrarme ſu cabaña
dixo non podeys librar
10Señor aqueſta uegada
que ſuperfluo es demandar
a quien non ſuele dar nada
Si lealtad non me acordara
de la mas linda figura
15del todo me enamorara
tanta ui ſu fermoſura
dixe que quereys mandar
Señora pues ſoys caſada
que uos non quiero enojar
20nin offender mi enamorada
Replico yd en buen hora
non cureys de amar uillana
pues ſeruis a tal ſeñora
non troques ſeda por lana
25nin querays de mi burlar
pues ſabeys ſo enagenada
ui ſerrana que tornar
me fizo de mi jornada