Dutton Corpus

RC1 Contents

Related witnesses for RC1-89

 
[ID0611]RC1-89(110r-110v)(2x9)

Caruajales

El que mas leal yo fallo
deſtos payſanos nueſtros
ueo que “tiene ſu cauallo [ID7474 Refrán]
ueo que “tiene ſu cauallo [ID7474 Refrán]
5bien ligado a dos cabeſtros”
y el coraçon y la loquela
ſe reparten en dos partes
& con ſus mañoſas artes
quien mas puede mas repela
10turumbela
Nin les plaze de uencer
nin conſienten ſer uencidos
quieren la guerra tener
con aſtucias & partidos
15eſto non es coſa nouela
quen ytalia arriendas ſueltas
fazen bueltas & rebueltas
cada qual con ſu cautela
turumbela