Dutton Corpus

SA7 Contents

Related witnesses for SA7-20

[ID2411]SA7-20(8r-8v)(5x7)

Dezir garçia de pedraza

Traſlado de alegria
corona de fino oro
non demando otro teſoro
a vueſtra gran ſenyoria
5ſalvo beſſar uos la mano
con aquel amor tan ſano
que uos toue todavia
E deſpues deſto ſenyora
vos mandat et yo fare
10quen ſeruir ſienpre ſere
aquel que fuy faſta agora
car por eſta cruz bendita
amor de mi non ſe quita
nin vos eſſo meſſmo vn ora
15Parezedes tan fermoſſa
a mis oxos todavia
que por el dios dalegria
vos juro ſin otra coſſa
me fazeys con gran denuedo
20 tener mis pies atan quedo
por mirar a uos donoſſa
Quando mas puedo penſar
pienſo que uos fizo adrede
dios por me tornar al(↑e)gre
25quando tuvieſe peſar
ſe bien como fizo aqueſto
que “fara avn otro çeſto” [ID8671 Refrán]
que “fara avn otro çeſto” [ID8671 Refrán]
pues tan bien ſupo açertar
30Al luzero ques del alua
vos prometo que podedes
entre quantas conozedes
parezer pues ſoys tan alua
por el Rey çeleſtial
35non lo tomedes en al
que non lo digo por ſalua