Dutton Corpus

SA7 Contents

Related witnesses for SA7-238

[ID2611]SA7-238(103r)(4, 2x8)

Otra cançion el meſmo

Senyora tu me pareçes
Diſcreta tan entendida
Que bien por ello ſeruida
E loada ſer mereçes
5Al que de ti no a ymiente
Nin loa tu fermoſſura
Conpuerte tu grant cordura
Pues ſu ſentido no ſiente
E tal virtut reſidiente
10Deues mantener ſenyora
Por que muchos ay agora
Que callan lo que mereçes
Eſſo meſmo tu beldat
Me guerree con fauores
15E non mires mis errores
Mas la buena voluntat
Car te juro por verdat
Que penſſar nunca poria
Errar ten ninguna via
20Viſtol gran bien que mereçes