Dutton Corpus

SA7 Contents

Related witnesses for SA7-25

[ID2421]SA7-25(11r)(4x8)

Dezir Enyego lopez de mendoça

En mirando vna ribera
vy venir por vn grant llano
vn hombre que corteſano
pareçia en ſu manera
5veſtia ropa eſtrangera
fecha al modo de brauante
bordada bien roçegante
paſſante del eſtribera
Traya al ſu deſtro lado
10vna fermoſſa dama
de las que toca la fama
en ſuperlatiuo grado
vn capirote charpado
a manera bien eſtranya
15a fuer del alta limanya
donoſamente ligado
De gentil ſeda amarilla
eran aqueſtas dos hopas
tales que nunca vy ropas
20tan lindas a maravilla
el guarnimiento et la ſilla
daqueſta linda ſenyora
çertas depues nin agora
non lo vy tal en caſtilla
25Por muſica maeſtria
cantaua eſta cançion
que fizo a mi coraçon
perder el pauor que avia
“bien deuo loar amor [ID2422 Cita]
30pues todavia
quiſo tornar mi triſtor
en alegria”