Dutton Corpus

SA7 Contents

Related witnesses for SA7-268

[ID2634]SA7-268(125v-126v)(4, 5x8)

Lohor del Rey alfonſo En el viaje de napols ſanta ffe

Los que valen contemplat
Vueſtro tal Rey et ſenyor
Qui bien ſiente ſu bondat
No es al mundo ſenyor
5Qual Rey fue de tal ſazon
Que tan joven ſe fallaſſe
Y edat non lo tiraſſe
A plazer et delecçion
Nueſtro Rey ſu intençio(!)
10Verſa en eſtrecha vida
Juego et viçios oluida
Por ſeher conquiſtador
Non faç tal començamiento
Por ſola naturaleza
15Mas ſu propia nobleza
Meſclada con ſentimiento
A tal Rey ſu par non ſiento
En el mundo començando
Pienſſa et va trabaxando
20Como ſea vençedor
Lo que tal Rey ſiente et ſabe
No es por eſperiençia
Mas pura magnifiçençia
Quen pocos como el cabe
25Bien mereçe que ſalabe
Vn Rey que viltat eſquiva
E ſu voluntat cativa
Amando ſiempre honor
Eſte Rey anſi loado
30Es ſauio e muy agudo
De los vençidos eſcudo
Gentil bueno et adonado
Comun ſingular fallado
Viſto et no conoçido
35Ffirme de Razon vençido
Lleno de toda val(l#)or
Pues gent daragon baſtante
Que façer armas queredes
Por vuestro Rey non perdredes
40Paſſar las manos avante
Vuestro prinçipe coſante(!)
Miedo temor Refuſe
Yo non ſſe quien bien ſeſcuſſe
Que non mueſtre e grant pauor