Dutton Corpus

SA7 Contents

Related witnesses for SA7-283

[ID2644 R 0589]SA7-283(134v-135r)(5, 2x9)

Otra Repueſta diego de torres

Quiero vos bien auiſar
A los quel mote queredes
Que ſin de lo vuestro dar
Aſaz cuytas ſentiredes
5Si començaredes amar
Que vos cunple yr fazer
A ninguno mal barato
Car de mal podedes ſer
Fartos en pequenyo Rato
10Si quiſierdes Requeſtar
Do jamas bien no falledes
Pues ſin de lo vuestro dar
Aſaç cuyta ſentiredes
Si començardes amar
15 Lo que vos conſexaria
Si quereys ſer auiſados
Que por mas dar porfia
No querays beuir lazrados
Pues anſi queret çeſſar
20Atal mote no merquedes
Que ſin de lo vuestro dar
Aſſaç cuytas ſentiredes
Si començardes amar