Dutton Corpus

SA7 Contents

Related witnesses for SA7-330

[ID2689]SA7-330(159r-160r)(8x7)

Otro dezir que fiço Canyçares

Ay que de grado ſeria
Yo preſo ſi pudieſſe
En tal ſenyora que ffueſe
Vueſtro ſiempre todauia
5Mas la orden no me lo lexa
Por do uiuo en quexa
Sin plazer e alegria
Mas como quiere ſenyora
Que el cuerpo tiengo preſo
10Mi coraçon e mi ſeſo
Vos ſieruen toda ora
E tengo tal ſperança
Que dios me dara folgança
Mas que tengo agora
15Dios ſabe el grant cuydado
Que e por eſta preſion
E por la triſte viſion
Que yo ueo mal pecado
Ante mi que me tormenta
20E non ſe de tal afruenta
Quando ſere apartado
Non ſe yo ya pecador
Como lo puedo ſofrir
De ueyer a quien morir
25Me façe a ſinſabor
Car a mi peſar forçado
Yo tiengo de ſeyer mandado
Porque muero con dolor
Veyendo de otra parte
30Ha uos que amo ſeruir
Tanto que no ſe deçir
Quanto te amo ſin arte
E no lo puedo fazer
Por do viuo ſin plazer
35E mi coraçon ſe parte
Amas auer conorte
A mi cuyta e deſeo
Sino quanto a uos ueo
Linda ſtrella de norte
40Stonçe pierdo conorte
Sperando tal folgura
De beuir en vueſtra corte
Senyora mi grant tormento
Vos lo podeys bien curar
45Si me queredes atorgar
Seruir uos e ſin falimiento
E quereruos e ſin falſia
E que uos ſenyora mia
A mi fagades contento
50Senyora por dios meſura
Pues ſabeys mi entençion
Atorgat mi petiçion
Que fago deſta figura
E creyo ſeruiendo a uos
55Algun tiempo querra dios
Quitarme de amargura