Dutton Corpus

SA7 Contents

Related witnesses for SA7-350

[ID2707]SA7-350(168r)(4, 2x8)

Otra françiſco villalpando

Ay amor ſi tu quiſieras
Ya dexarme retraer
En façer meſte plazer
Quanta mercet me ficieras
5Yo me penſaua ſeer partido
De me cupo deſforçar
Por me dar doble roydo
As me fecho agora amar
Tal ſenyora que devieras
10Non me dar a conoçer
En fazer meſte plazer
Quanta merçet me fizieras
Que ſio(!) non conoçiera
Su beldat tan ſtranya
15Sepas que non padeçiera
Amor uida tan penada
Que ſi tu por bien tuuieras
Men tal cuyta non poner
En fazer meſte plazer
20Quanta merçet me fiçieras