Dutton Corpus

SA7 Contents

Related witnesses for SA7-359

[ID2714]SA7-359(171r-171v)(4, 3x8, 4)

Cançion garçia de medina

Si ſenti por bien amar
Parte de mi grant dolor
Ayude uos dios ſenyor
Que yo ando a demandar
5Yo ſiento muchas paſiones
Que todas ſon par de muerte
Por ueer grandes viſiones
En la que me cayo en ſuerte
Eſta ſerui ſin errar
10Jamas non me dio fauor
Ayude uos ſenyor
Que yo ando a demandar
Que ſenyor todo el bien
Quanto yo ſiruiendo fize
15Sabet que lo fiçe a quien
Cada dia me maldiçen
Si uos queredes deſto ayudar
Que non lo tengo mexor
Ayude uos dios ſenyor
20Que yo ando a demandar
Sintiendoſe por ſeruida
Eſta ſenyora de mi
Dixo depues de tu vida
Yo fare mençion de ti
25Que gualardon de eſperar
Veet ſi puede ſeer peor
Ayude uos dios ſenyor
Que yo ando a demandar
Ffinida
30Ventaxada de bien obrar
Se cobra por deſamor
Ayude uos dios ſenyor
Que yo ando a demandar