Dutton Corpus

SA7 Contents

Related witnesses for SA7-64

[ID2454]SA7-64(22r-22v)(4, 2x8)

Cançion ſuero de Ribera

Senyora de alto brio
pues me mandes
Reçebit mi triſte carta
que con dolor vos enbio
5La carta ſenyora dize
depues de las humildades
por que partir me mandades
pues yerro nunca vos fize
ſiruiendo maguer porfio
10fortuna me desbarata
quantos plazeres deſata
voluntat con poderio
Eſperando bien aver
quiero ſofrir bien paſſando
15avnque contra mi mandando
moſtrades vueſtro poder
ay de mi por que confio
de quien por ſuyo me mata
que quien primezas acata
20paſſa ſu tiempo baldio