Dutton Corpus

SA7 Contents

Related witnesses for SA7-66

[ID2456]SA7-66(22v-23r)(4, 3x8)

Otra ſuya

A vos linda loare
de muy graçioſſo geſto
quien dixiere contra eſto
yo gelo conbatire
5 Loaron de muy fermoſſa
a elena ditis et daris
la qual vio en el templo paris
en ora muy doloroſa
ya que ſia tan fermoſa
10mas que dezir non cale
pero conbuſco ſiguale
nunca tal conſſentire
Ginebra Reyna loada
ſenyora de camalote
15por quien fizo lançarote
terribles golpes deſpada
ſi ella fueſſe eſtada
ante vueſtro continente
non diriam çiertamente
20lo que yo por vos dire
Polixena la Infante
que mato pirus a tuerto
por quien archiles fue muerto
antilogo en eſſe iſtante
25la ſu viſta çentilante
dizen me ſenyora bella
mas ſoes vos que no ella
con Razon lo prouare