Dutton Corpus

SA7 Contents

Related witnesses for SA7-85

 
[ID2475]SA7-85(31r-32v)(8,2,8,2,8,2,8,3)

Otro dezir de ſuero de Ribera

En vna linda floreſta
De muchas flores et roſas
Vi tres donzellas fermoſas
Que damores an requeſta
5Et yo con voluntat preſta
Llegueme por conoſçellas
E dixo la mayor dellas
Eſta cançion muy honeſta
Aguardan a mi
10Nunca tales guardas vi
Por mirar ſu fermoſura
Daqueſtas tres lindas damas
Eſcondime entre las ramas
Aſentadon la verdura
15La otra con gran triſtura
Començo de ſoſpirar
Et deziaſte cantar
Con muy honeſta meſura
La ninya que los amores ha
20Como dormira ſola
Non quiſe mas adelante
Yr por non fazer mudança
A las que con hordenança
Cantauan tan concordante
25La otra gentil baſtante
Dixo ſenyoras de grado
Pues me avedes cantado
A mi me conviene que cante
Dexaldo al villano i pene
30Vengar ma dios dele
Deſque ove bien mirado
Eſtas ſenyoras que digo
Fue a ellas ſoſegado
Como honbre ſin abrigo
35Ellas dixieron amigo
Non ſoes vos el que buſcamos
Mas cantat pues non catamos
Dixe eſte cantar antiguo
Soſpirando va la ninya
40Et non por mi
que yo bien ge lo entendi