Dutton Corpus

SA7 Contents

Related witnesses for SA7-99

[ID2490]SA7-99(43v-44r)(4, 3x8)

Diſimulacion de la deſconexença de maymia ſanta ffe

Senyora maguer conſiento
E quiero ſofrir mi danyo
Mas penſat por ſentimiento
No menganyo
5Senyora ſi penedir
A todos bien parecieſe
Hora es quel buen ſeruir
Enta vos lo defendieſe
Por celar lo quen vos ſiento
10Enſuenyo que no menſanyo
Mas penſat por ſentimiento
No menganyo
Si de mi mal conoçer
Hoſaſe tomar vengança
15Diria que retrayer
Me faze de vueſtra vſança
Pero cubro mi tormento
E ſo contra mi eſtranyo
Mas penſant por ſentimiento
20No menganyo
Sino ques fuerte quitar
La fe de los muy leales
Quanto por vuestros ſenyas
Ya deuria renunciar
25Por no moſtrar ronpimiento
Sigo los tiempos del anyo
Mas penſat por ſentimiento
No menganyo

ſenyas = senyales (?) (amgb)