Dutton Corpus

SA8 Contents

Related witnesses for SA8-55

[ID3424]SA8-55(182v)(1x14)

Otro ſoneto quel marques fizo amoneſtando a losgrandes prinçipes a tornar ſobre el dañode conſtantinopla

Forço la fortaleza de golias
con los tres nonbres juntos con el nonbre
del que ſe quiſo por nos fazer onbre
e de infinito mortal e mexias
5el paſtor cuyo carmen todos dias
la ſanta eſpoſa non çeſſa cantando
e durara tan lexos faſta quando
ſera victoria a enoch e a helias
pues vos los Reyes los emperadores
10quantos el ſanto criſma reſçebiſtes
ſentides por ventura los clamores
que de viſançio por letras oyſtes
enxemplo ſea a tantos ſeñores
las gentes de ſion ſi los leyſtes.